Sc:Anonymous edits
OpenStreetMap in orìgine permitiat modìficas anònimas, est a nàrrere mudas chene peruna forma de atributzione chi identificaret un'impitadore.
OpenStreetMap cunsentit galu su s'anonimadu totale in su sensu chi chie si siat podet creare unu contu e modificare sa mapa. Podes isseberare cale si siat nùmene de utente chi t'agradat, a es. "Mapper32". Nemos devet iscobèrrere chie ses a beru!
In orìgine, nointames, podias modificare chene nemmancu tènnere sas modìficas atribuidas a "Mapper32".
A dolu mannu, custu boliat nàrrere chi sos mapadores anònimos - a su sòlitu in manera atzidentale - podiant burrare su traballu mannu de àteras persones e fiat impossìbile pro totus a los cuntatare. Si sos impreadores espertos de OpenStreetMap tennerent sa possibilidade de cuntatare custos impitadores, tràmite su sistema de messagìstica de su situ, los diant pòdere agiuare a evitare custas faddinas, minimende sas possibilidades de traballu iscantzelladu.
Sa modìfica anònima est istada bogada pagu a pagu
In 2007 we changed it so that any newly registering users were not be able to put their account into this mode. We also disallowed use of anonymous editing accounts via the online editor (Potlatch) at this time. The result was that the vast majority of users did not remain in an anonymous mode, but as of April 2009 all users were forced to leave anonymous editing mode if they wish to make further edits using any editor. See the mailing list announcement
In su 2007 l'amus modificadu de manera chi sos impitadores chi si fiant registrados dae pagu non poderent pònnere su contu issoro in custa modalidade. In cussu momentu amus fintzas blocadu s'impreu de contos de modìfica anònima tràmite s'editore in lìnia (Potlatch). Su resurtadu est istadu chi sa parte manna de sos impreadores no est abarrada in modalidade anònima, ma in abrile 2009 totu sos utentes sunt istados custrintos a lassare sa modalidade de modìfica anònima si disìgiant annànghere àteras mudas impreende cale si chi siat editore. Leghe·ti s'annùntziu de sa lista de posta eletrònica.
So in modalidade anònima. Comente potzo sighire a fàghere modìficas?
In antis de totu, custu pertocat petzi a sa minoria pitica de persones chi ant aderidu a OSM in antis de su 2007 e sunt galu in modalidade de modìfica anònima. Si non ses una de custas persones, podes sessare de lèghere como!
Atzede a su situ printzipale che a su sòlitu, pustis incarca subra de su nùmene tuo de utente in artu a dereta de s'ischermu. Incarca subra de "Sas impostatziones meas". incarca subra de su butone "Faghe totu sas modìficas meas pùblicas".
A ite serbit su butone "Faghe totu sas modìficas meas pùblicas"? E sa riservadesa mea?
Su butone "Faghe totu sas modìficas meas pùblicas" bolet nàrrere chi sas mudas tuas subra de OpenStreetMap (fintzas sas mudas passadas) ant a èssere atribuidas a su contu de utente tuo. Su nùmene ammustradu tuo at a apàrrere acanta a sas mudas e sas persones l'ant a pòdere bìdere e t'ant a pòdere imbiare unu messàgiu pro mèdiu de su situ web.
S'indiritzu de posta eletrònica tuo no at a èssere mai rèndidu pùblicu (sighende s'Informativa subra de sa riservadesa) Est petzi su nùmene tuo de utente de mapadura chi benit assotziadu a sas modìficas a sa mapa. Si non cheres chi nemos iscobèrgiat chie est a beru Mapper32 non l'at a fàghere.
Custa est sa manera giai impostada pro sa parte manna de sos impitadores OSM. Su cambiamentu nos nche giughet prus in lìnia cun comunidades de sutzessu che a Wikipedia. Si tenes unu contu in Wikipedia, su nùmene tuo impitadore est semper descritu in sa cronologia de sas pàginas chi modìficas e sas persones ti podent imbiare messàgios. Mancari non tèngias unu contu, s'indiritzu IP tuo (s'identificatore unìvocu de s'elaboradore tuo subra de ìnternet) est sinnadu, e sas persones lu podent impreare pro t'imbiare messàgios tràmite Wikipedia.
Si as modificadu petzi sos datos de sa mapa in s'àrea in ue istas, sas persones ant a pòdere castiare s'annantu de modìficas tuo e tènnere un'idea aprossimativa de ue istas, ma tene in contu chi est petzi su nùmene tuo de utente de mapadura chi est assotziadu a sas modìficas a sa mapa. Si non cheres chi nemos iscobèrgiat chie est a beru Mapper32, non l'at a fàghere. Si ses apensamentadu chi sas persones iscobèrgiant su nùmene beru tuo o pòngiat in relatzione informatziones de àteras comunidades in lìnia in ue impreas su matessi nùmene, podes semper cambiare su nùmene ammustradu tuo in calicuna cosa de prus anònimu (tenes in contu chi unos cantos servìtzios diant pòdere galu rivelare sa cronologia de sos nùmenes ammustrados tuos). Custu tenet sos isvantàgios suos. Impreare nùmenes beros o mantènnere sa matessi identidade subra de prus sitos web t'agiuat a fraigare reputatzione e aficu.
Pro carrigare sas rastas GPS, tenes in contu chi su nùmene tuo de utente no est assotziadu a sas rastas GPS tuas, francu chi no incarches "pùblica" pro cada rasta.
Alternativas
Si non cheres incarcare subra de su butone "Faghe totu sas modìficas meas pùblicas", sas ùnicas alternativas tuas sunt (A) No annànghere àteras mudas a OpenStreetMap o (B) Lassare su contu anònimu tuo inativu e registrare unu contu utente nou (chi no at a èssere in modalidade de modìfica anònima) Custu no est racumandadu. Ti cussigiamus a beru de mantènnere unu contu utente pro un'utente e de incarcare petzi in "Faghe totu sas modìficas meas pùblicas" chene t'apensamentare, pro totus sas resones bonas descritos inoghe in subra.
Pòmpia·ti fintzas
- Annùntziu in sa lista de posta eletrònica
- Arresonos mannos prus betzos in sas listas de posta eletrònica de su 2007
- Mapa dinàmica Sophox de sas ùrtimas modìficas a anònimas a elementos